KALIBO, Aklan — Pormal eon nga ginpanupod it National Housing Authority ukon NHA, Martes it agahon ro kabilugan nga 400 nga duplex type housing units sa Brgy. Briones Kalibo sa mga biktima it bagyong Yolanda ko 2013.
Ginpangunahan ro turn-over ag acceptance ceremony ni Kalibo Mayor Emerson Lachica, NHA regional director Engr. Grace Guevarra ag iba pang lokal nga opisyal.
Nataeupangdan nga “no show” sa event si Briones barangay captain Rafael Briones.
Samtang, mabahoe man ro pagpasaeamat it mga residente nga nakabaton it pabaeay nga mabuhay eon man nga tiempo nanda nga ginhueat.
Apang indi pa maistaran ro nasambit nga housing unit bangud nga may pila pang dapat nga paga-ayuson .
Mag-eowas kara, owa pa ro mga raya it linya it kuryente ag supply it tubi.
Nasayuran nga sambilog ro banwa it Kalibo sa mga eubus nga naapektuhan sa pagpanaeasa it bagyong Yolanda partikular ro mga naga-istar sa danger zone.
Sa pihak nga parte, hugut sigon nga pagabantayan it NHA ro mga mataw-an it pabaeay bangud ginabawae kara ro pagbaligya ukon pagpa-renta it andang unit.
