Ginpasakaan it Office of the Ombudsman sa an-om nga buean nga preventive suspension si National Irrigation Administration (NIA) Administrator Benny Antiporda.
Kasunod raya sa gindihon nga administrative complaints it pilang empleyado it NIA.
Ro limang panig nga kasuguan hay ginpagguwa ni Ombudsman Samuel Martires bangud sa reklamo it mga empleyado it NIA nga sanday Lloyd Allain Cudal ag Michelle Gonzales Raymundo kontra kay Antiporda.
Raya hay bangud sa conduct prejudicial to the best interest of the service, grave misconduct, harassment, oppression ag ignorance of the law.
Ginpagguwa ro nasambit nga suspension order matapos ro ginpatigayun nga maidid nga pagtuon sa nasambit nga reklamo.
Gintawag man ni Antiporda ro reklamo kontra kana nga owa it basehan ag puro eamang mga imbento.
Haum sigon imaw nga atubangon ro nasambit nga alegasyon agud nga malimpyuhan ro anang pangaean.
