Kalibo Aklan ——-Ginpahayag ni Engr. Lorena Sioco, head it National Irrigation Administration (NIA-Aklan) nga ginkasugtanan it irrigator’s association nga sa June 1 eon lang magpatubi sa mga kaeanasan sa Eastern side nga ginakaeakipan it banwa it Kalibo, New Washington ag Banga.
Una kara, gintaeana ko Mayo 15 ro pagbukas it irrigation system apang uwa pa sigon it steel gate ro dam sa Brgy. Sigcay, Banga rason nga ginpaiway raya sa nasambitang petsa.
Apang, maskin uwa it steel gate ro dam hay maideyahan gihapon sigon nga mapatubian ro kaeanasan it mangunguma agud nga makatanom eon ro mga raya it paeay makaron nga cropping.
Samtang, on-going eon ro pagpatubi sa mga kaeanasan sa Western Side halin ko Mayo 15 bangud nga ginhimuan raya it pamaagi nga madivert ro tubi nga makasueod sa irrigation canal.
Ginpahayag dugang ni Engr. Sioco nga ro daywang diversion dam hay natapos eon kunta ro contsruction ko Abril 20 apang bangud sa Enhanced Community Quarantine tuga it COVID-19 hay naextend raya.
Sa pihak nga parte, gin-engganyo ni Engr. Sioco nga magpamyembro ro mga mangunguma sa irrigator’s association para kon anu ro mabueo nga benepisyo it association hay makabaton man sanda.
