Sang adlaw antes ro anang kauna-unahang Finals appearance, haom eon sigon ro big man it Denver Nuggets nga si Nikola Jokic para sa ‘crowning glory’ nga kaakibat paghampang sa Finals.
Raya hay base eon man sa pagsalig ag confidence it mga NBA superstars ag NBA champions nga dati eon nga nakatesting sa Finals.
Para kay 4x NBA Champion Lebron James, haeos kaparehas it anang hampang ro ginahampang makaron ni Jokic, nga mabahoe nga bagay sigon para daehon imaw sa kampeonato.
Kaibahan eon sigon kara ro disiplina sa paghampang ni Jokic.
Para mat-a kay 2x NBA Champion Kevin Durant, makaron pa eamang hay sambilog eon si Jokic bilang ‘all-time gratest centers’ sa bilog nga liga.
Ro daywang NBA superstar hay parehong ginpyerde it Denver sa pagpanguna ni Jokic, sa Conference Finals it presenteng season.
Nakataeanang makasambuwa it Denver ro Miami Heat sa adlaw it Biyernes, oras sa Pilipinas, para sa Game 1 it NBA Finals 2023.
Igapatigayon ro nasambitang hampang sa homecourt it Nuggets, sa Denver Colorado.
