KALIBO, Aklan — Gamiton anay nga dungkaan it mga baruto ro Stations 2, 3 ag prente it sangka hotel sa Boracay sa pagahimuong dry run sa Oktubre 15.
Suno kay Environment Secretary Roy Cimatu, mas gusto sigon it mga turistang magdungka sa front beach kaparehas it dati kat uwa pa it pantalan sa lugar.
Magabutang man sanda it poontoon ukon floating landing area agud inde mabasa ro mga bisita.
Gamiton man ro 2.6 ektaryang reclaimed area sa Caticlan nga entry ag exit point it mga workers halin sa Manocmanoc port paadto sa Caticlan, vice-versa.
Samtang, ro mga residente ag turista eamang ro pasugtan nga mag-agi sa Cati-clan jetty port building, kon siin bisan ro mga Boracay residents hay magapaidaeom sa proper verification.
Hugot sigon nga igapatuman ro “no booking, no entry” policy sa mga turista.
Halin sa airport it Caticlan ag Kalibo hay magaagi sa pag-check it mga taga-Department of Tourism ag local tourism kon ro hotel ag resort kara hay kaibahan sa listahan it mga compliant antes pasugtang makasueod sa isla.
Ro mga magasakay sa RoRo hay sa jetty port pagahimuon ro verification.
Samtang, ro mga walk-in guests hay inde pagsugtang mag-overnight sa isla ag kinahang-eang nga mag-aywan it identification card ukon ID sa jetty port.
Suno kay Cimatu ro nasambitang suhestyon hay paga-istoryahan sa pagahimuong hinun-anon it inter-agency task force sa Boracay sa maabot nga Setyembre 28.
Samtang, may 34 diyas eon lang ro nabilin para sa Boracay re-opening count-down,
