Gin-report it Philippine Coast Guard (PCG) ro kauna-unahang insidente it pagka-eumos nga namonitor ag narespondehan nanda sa tunga it Oplan Biyaheng Ayos: Semana Santa 2026.
Raya hay kasunod it insidente it sangkiri nga pagkaeumos it sangka eaeaki nga una sa impluwensya it aeak sa baybayon it Bacarra, Ilocos Norte, hapon it Martes, Marso 31.
Suno sa PCG, alas-2:50 it hapon kat magpatigayon it Bay Watch operations ro tawuhan halin sa Coast Guard Sub-Station (CGSS) Bacarra kat mataeupangdan ro nagakapa-kapa nga eaeaki nga nabudlayan nga makahaw-as sa tubi samtang nagapaligos.
Madasig nga rumesponde ro team it PCG ag nagpatigayon it rescue operation kun sa siin madinaeag-on raya nga naeowas.
Ginpadumdum man it PCG ro mga cottage owners sa lugar ag maging sa iba pang mga resort ag beach nga hugut nga ipatuman ro ‘no swimming policy’ sa tanan nga mga maga-agto sa dagat ukon beach nga una sa impluwensya it aeak.
