Kalibo Aklan ——Bilang kaparte it precautionary measures kontra sa coronavirus disease (COVID-19) , nagapatuman it “no transaction, no entry policy” ro Social Security System (SSS -Aklan).
Suno kay Stephanie Joy Espino, tagapaghambae it SSS Aklan nga ro andang gwardiya sa entrance ro nagabo-oe it body temperature it andang mga kliyente gamit ro non-contact thermal scanner.
May available man sanda nga alcohol , sanitizing gel ag foot bath sa entrance it opisina ag sa mga counters nga pwedeng magamit it andang mga kliyente nga nakikipagtransaksyon .
Engkaso suno kana nga mag-register ro temperature it kliyente sa 36 degrees celsius pasaka, gina-abisuhan sanda nga magpahuway anay ukon mag-transact eon lang online.
Samtang, gina-abisuhan man ro mga kliyente nga magsuksok it face mask antes nga magsueod sa andang opisina.
Bukas man ro SSS para sa mga kliyente nga maga-transact online agud malikawan ro COVID-19.
Ginklaru kara nga ro andang ginabaton makaron hay ro mga kliyente nga nagabayad eamang .
Ginalimitahan man nanda sa 10 katawo ro pwedeng makasueod agud nga mapatuman ro social distancing.
Owa man ginapasugtan nga makasueod ro mga nabdos, senior citizens ag mga unga .
Ro mga naga-asikaso it andang mga claims, may gintaeana sigon sanda nga drop-box sa entrance agud nga ihueog ro mga ginasumite nga nagakaigo nga dokumento.
Raya hay ginaeakipan it death claims, funeral, retirement , maternity ag disability.
Pwede man nga magtawag sa andang linya it telepono.
