Noodles brand nga Lucky Me!, ginklaro nga owa it Ethylene Oxide nga ginabutang sa andang mga produkto

Ginklaro it instant noodles brand nga “Lucky Me!” nga owa it Ethylene Oxide nga ginabutang sa andang mga produkto.

Raya ro pahayag it kumpaniya angot sa ginpagguwa nga paandam it Ireland, France, ag Malta government kontra sa pag-konsumo it Lucky Me! instant noodles, nga ginasugid nga may high level content sigon it Ethylene Oxide, sangka klase it kemikal nga ginagamit sa pag-ubra it pesticide.

Gin-insister pa kara nga rehistrado ro andang mga produkto ag nakasueod sa mga standard it Philippine ag US Food and Durg Administration (FDA).

Nauna eon nga ginpahayag ni Health USec. Maria Rosario Vergeire nga presenteng gina-beripika it FDA ro nasambit nga insidente.