Madinaeag-on nga nabo-oe it Denver Nuggets ro kadaeag-an sa teritoryo it Miami Heat sa Game 4 it NBA Finals, sa score nga 108-95.
Suno kay sports analysts sangguniang bayan member jocel rata nga uman nga nagsanib-pwersa ro mga star player it nuggets nga sanday Aaron Gordon nga nakalista it 27 points, 6 rebounds ag 6 assists; Nikola Jokic nga nakakamada it 23 points, 12 rebounds ag 4 assists ; kamana man si Bruce Brown nga may 21 points rason nga naangkon ro kadaeag-an.
Ginlimitahan man ro appearance ni Jokic sa last quarter it hampang bangud sa naangkon nga limang foul trouble.
Umpisa suno kana sa 1st hasta 4th quarter hay masyadong organisado ro nuggets.
Maskin nga manami ro depensa nga ginapakita it miami heat , apang owa sanda nagpa apekto.
Sa pihak nga parte, uman nga nagpanguna sa pagtau it puntos sa heat si jimmy butler nga may 25 points, 7 rebounds ag 7 assists.
Ginabuytan eon makaron it Nuggets ro abansa sa serye, 3-1.
Sangka daog eon lang ro kinahangean it koponan agud nga maangkon ro kampeonato makaron nga season.
Samtang, uman nga magabalik sa homecourt it Nuggets ro Game 5 sa Lunes nga adlaw .
