Ginpahayag it Philippine Statistics Authority ro kapin pang pagnaba it numero it mga trabahador sa sektor it pagpanguma base sa ginpatigayon nga survey ko June 2024.
Nagguwa sa pagtuon it ahensya nga 916,000 agriculture ag forestry workers ro naghalin ukon naduea sa mga nasambit nga sektor hasta ko Hunyo.
Sa fishing ag aquaculture sector, nawad-an raya it 81,000 workers kada dag-on.
Natumod it ahensiya nga mabahoe nga numero it mga nasambit nga trabahante hay naghalin sa kasagsagan it El Niño makaron nga dag-on.
Mag-eowas kanda, ro daeayon nga paghalin nanda hay kasunod eon man sa Executive Order 62 ni Pangueong Ferdinand Marcos Jr. nga nagapanaba sa taripa it ginaimport nga bugas.
Suno pa sa PSA, nakit-an ro direktang epekto kara sa nagkaeain-eain nga industriya sa idaeom it pagpanguma.
Ro nasambit nga problema hay sa pihak it pag-pokus it Marcos administration sa sektor it pagpanguma kadungan it mas mabahoe nga budget ag mas maabong assistance para sa mga mangunguma it nasyon.
