KALIBO, Aklan — Ginreport it Department of Health (DOH) nga may 17 nga kaso eon it fireworks-related injuries ro nailista umpisa Disyembre 22 hasta 23, 2024 pilang adlaw antes ro pagsug-aeaw it Bag-ong Dag-on ukon year 2025.
Suno sa DOH, nailista ro mga kaso halin sa 62 sentinel hospitals nga ginabantayan it taeatapan sa bilog nga nasyon.
Sa nasambit nga mga kaso, 16 kara hay eaeaki nga naga-edad it 7 hasta 37 anyos.
Raya hay mas mataas kumpara ko 2023 nga may 6 nga kaso sa parehong period, suno pa sa DOH.
Padumdum man it DOH, likawan ro paggamit it anumang klase it paeupok.
Gumamit it mga alternatibong pampasangag kapareho it tamboe, torotot, ag iba pa.
Indi man pagpasugtan ro mga unga nga magpaeupok.
Dugang pa it DOH, kinahangean nga may disiplina agud nga ro selebrasyon it Kapaskwahan hay masadya.
