KALIBO, Aklan—Mas pa nga nagtaas ro numero it mga turistang nasita bangud sa pageabag sa minimum health protocols matapos nga ipatuman ro Alert Level 2 sa isla it Boracay ag bilog nga probinsiya it Aklan.
Suno kay P/Lt. Col. Don Dicksie De Dios, hepe it Malay Municipal Police Station, may nailistang masobra sa 29 nga pageabag sa minimum public health standards ko Nobyembre 21 eabi eon sa owa pagsuksok it face mask ag pageabag sa curfew hours nga alas-12 it tungang gabi-i hasta alas-4 it aga-aga.
Puro gintiketan sigon ro mga violators nga may multang P2,500 pesos.
May nasita man nga turista bangud sa pag-ihi sa frontbeach nga pageabag sa Municipal Ordinance No. 311.
Matapos nga boe-on ro RT-PCR test sa mga fully vaccinated nga turista, naga abot eon sa 42,750 ro tourist arrivals umpisa Nobyembre 1 hasta 22 ukon may average nga 1,500 hasta 2,500 nga bisita kada adlaw.
Haeos katunga sa mga raya hay naghalin sa National Capital Region.
