KALIBO, Aklan–Nagapabilin nga maeanghay ro numero it mga nagaparehistro sa mga opisina it Commission on Elections (Comelec) para sa Barangay ag Sangguniang Kabataan Election sa masunod nga dag-on.
Suno kay Crispin Raymund Gerardo, tagapaghambae it Comelec-Aklan nga halin kat ginbuksan ro voter’s registration ko Disyembre 12, naga-abot pa eamang sa 411 ro mga nagparehistro sa bilog nga probinsya.
Gin-engganyo man kara ro mga pumueoyo nga kalitan ro kahigayunan agud nga makaparehistro.
Bukas sigon ro andang opisina halin Lunes hasta it Sabado kaeakip ro holiday umpisa alas-8:00 it agahon hasta alas-5:00 it hapon.
Apang, owa sigon sanda it opisina sa Disyembre 24, 26 ag 31 para taw-an it daean ro selebrasyon it Kapaskwahan.
Uman sigon nga maga-resume ro andang operasyon halin Enero 2 hasta Enero 31, 2023.
