Padayon nga naga-taas ro numero it mga Overseas Filipino Workers (OFWs) nga gustong makabalik sa Pilipinas tuga it uwa it pundo nga kagamuhan sa tunga it Israel ag Iran.
Suno kay Department of Migrant Workers (DMW) Secretary Hans Leo Cacdac, umabot eon sa 109 OFWs ro nagpahayag it andang kagustuhang mag-uli.
Ginsiguro it opisyal nga padayon ro pag-tao it bulig it gobyerno sa mga apektadong Pilipino. Sambato eon kara ro Pinay nga eubos nga naninahan ag presenteng nagapamayad sa ospital sa Israel. 14 nga Pilipino man ro nabuligan it ahensya, nga makaron hay naga-tinir sa temporary accommodations.
Sa pihak it padayon nga kagamuhan, masadyang ginbalita it DMW nga uwa eon it bag-ong nalistang naninahan nga Pilipino.
Aminado si Cacdac nga hangkat ro repatriation bangud sa saradong airspace ag airport restrictions tuga it giyera. Apang, padayon ro koordinasyon it mga ahensya it gobyerno para mabuligan ro mga OFW nga gusto mag-uli.
