Ginkumpirma it Department of Health (DOH) nga naga-abot eon sa masobra sa pitong milyong mga Pilipino ro may Chronic Kidney Disease ukon CKD.
Suno kay Dr. Vimar Luz, treasurer it Philippine Society of Nephrology ag Head it STOP CKD Campaign, sangka Pilipino ro nakakangkon it nasambit nga sakit kada oras.
Sa pagtuon it National Kidney and Transplant Institute ukon NKTI, nadiskubre nga nagataas man ro numero it mga tawong nagakinahangean it dialysis.
Ginpahayag dugang ni Dr. Luz nga diabetes ag hypertension ro kaeabanan nga rason kon ham-an nga nagakasamad ro kidney ukon bato it tawo.
Sa nagtaliwan nga napueong dag-on, ro kidney disease sigon ro una sa top 10 it sakit nga posibleng ikamatay it sangka pasyente.
Kaeabanan sigon nga owa it sintomas ro mga early kidney disease.
Suno pa kay Dr. Luz, pwedeng masayuran kon naga palya eon ro bato pinaagi sa laboratory test kun sa siin pagatumuron ro lebel it serum creatinine ag kun manaba ro glomerular filtration rate ukon eGFR ukon kun maayos pang ginasaea it kidney ro waste products sa eawas
