KALIBO, Aklan — Ginaeauman it inter-agency task force nga samtang nagahilapit ro Boracay reopening hay madugangan pa ro numero it mga establisimentong makabig nga enviromental compliant.
Sa press conference, ginpahayag ni Environment Secretary Roy Cimatu nga sa kabilugang 385 nga tourism establishments sa isla, 25 pa eamang ro fully compliant.
Apang, ginaeauman sa pagbukas kara sa Oktubre 26 hay 1,000 hasta it 2,000 nga rooms ro available.
Sa makaron sigon hay maabo pang business owners ro nagaasikaso it andang mga requirements sa andang ahensiya kamana man sa DILG ag DOT agud makabukas it andang mga negosyo sa gintaeanang oras.
Sa Oktubre 15 hay makaangkon it dry run, kon siin ro mga lokal nga turista ukon mga Aklanon ro pasugtang makasueod.
Magapanupod man sigon it souvenir t-shirt nga may naka-imprintang “we were there on the first day”
