KALIBO, Aklan — Naging palaban ro sangka nurse matapos nga ginboe-an it litrato ro sangka eaeaki nga nagpakita it anang kinatawo samtang nakasakay sa anang motorsiklo sa Brgy. Estancia, Kalibo.
Suno sa panaysayon it 34-anyos nga nurse, bandang alas-7:45 it gabi-i samtang nagapaguwa sa national highway halin sa anang duty sa Panay Health Care Hospital sa nasambit nga lugar kat mataeupangdan ro sangka eaeaki nga nakasakay sa anang motorsiklo nga kulay itom.
Ginsundan sigon imaw ag sa anang pagbalikid hay nakita ro eaeaki nga ginabuytan ag gina-masturbate ro anang kinatawo.
Ginpahayag pa it biktima nga bukon eamang it raya ro kauna-unahan nga kahigayunan nga may natabu nga makarondaya nga insidente, kun sa siin, kaeabanan sa ginakursunadahan it nasambit nga exhibitionists hay ro mga nurses nga naga-agi sa lugar kon gabi-i.
Nakaka-bilib man ro nurse bangud nga antes nga nakapaeagiw ro suspek hay naboe-an nana raya it litrato.
Nagapadayun pa ro imbestigasyon it pulisya sa insidente.
