KALIBO, Aklan–Preparado eon ro nursing department it Aklan Polythecnic College sa nakataeana nga full implementation it face to face classes.
Suno kay Dr. Elvie Ramos, dean it nursing department nga uwa eon sanda it massive changes nga igapatigayon sa presenteng sitwasyon bangud nga ko nagtaliwan nga dag-on hay nag-umpisa eon sanda it limited face to face classes.
Sa kamatuoran suno kana hay ginpasugtan eon sanda it Aklan provincial government nga magtrain ro andang estudyante sa provincial hospital.
Pag-abot mat-a suno kana sa secondary level hay may application ro andang school principal para sa full implementation it in person classes.
May kaangtanan kara, magapatawag ro eskwelahan it meeting sa mga ginikanan agud nga maistoryahan ro health and safety protocol nga igapatuman it eskwelahan para sa mga estudyante.
Mahambae sigon nanda nga haom ag gamay eon nanda ro mga dapat nga himuon sa implementation it face to face classes sa buean it Agosto.
