Ginmanduan eon it Office of the Civil Defense (OCD) ro regional office kara sa Western Visayas nga dasigan ro pagpahaom para sa ‘worst-case scenario’ engkasong eumopok ro bulkang Kanlaon kadungan it daea nga mga pag-uean it bag-ong bagyo nga Severe Tropical Storm Nika.
Ginmando ni OCD Administrator USec. Ariel Nepomuceno ro nasambit nga direktiba sa tunga it padayon nga degassing ukon pagguwa it aso nga may kaibahan nga mahinang pagbuga it abo halin sa summit crater it bulkan halin ko Oktubre 19 base sa monitoring it Philippine Institute of Volcanology and Seismology (Phivolcs).
Suno sa opisyal, dapat nga siguraduhon nga may malig-on nga mga plano para sa pagresponde ag nakahaom ipatuman sa posibleng mga kalamidad.
Angot kara, gin-engganyo it OCD chief ro mga residente nga magpamati sa mga abiso halin sa mga lokal nga opisyal ag sundon ro mga advisory halin sa Phivolcs ag Office of the Civil Defense.
