KALIBO, Aklan—Nakataeana nga pagaboe-an it repeat swab specimen ro sangka Overseas Filipino Worker (OFW) nga nagpositibo sa coronavirus disease ukon covid-19 sa probinsya it Aklan.
Suno kay Dr. Cornelio Cuatchon Jr. it Provincial health office ukon pho -aklan nga sa makarun hay nagapabilin nga asymptomatic ro nasambitan nga pasyente.
Mag-euwas kara , sangka Covid-19 suspect man makarun ro nagapabilin nga naka-admit sa provincial hospital ag raya hay sangka repatriated OFW maghalin sa banwa it banga nga dating gin-quarantine sa Isla it boracay.
Samtang ginklaro man ni Dr. Cuatchon nga may bag-ong protocol makarun sa pagpauli it mga OFW’s.
Una rayang ginadaea sa aklan training center para ma-asses it mga health authorities.
Kung may ipakita nga papeles nga nag-negatibo eun sa resulta it Reverse transcription polymerase chain reaction ukon RT-PCR test hay pwede eun nga makauli sa andang panimaeay.
Pagasueangon it local government unit (lgu) para ihatod sa andang baeay.
Kung bukon pa it haom ro andang pamilya sa sueod it baeay hay magatinir anay raya it daywang adlaw sa gintaeana nga hotel it provincial government.
Gin-insister man kara nga maskin makauli eun sa andang panimaeay hay kinhangean sa gihapon nga magpaidaeum sa strict home quarantine.
Sa makarun hay nag-abot eun sa masobra 380 nga mga OFW’s ro nakauli sa probinsya.
Samtang sa pihak nga parte, ginpahayag man ni Dr. Cuatchon nga nakataeanang magiging operational sa buean it Hunyo ukon Hulyo ro ginapatindog nga covid-19 laboratory sa probinsya.
