Padayon nga ginapanawagan it hanay it transportasyon nga ibasura eon ro Oil Deregulation Law ag ibalik ro kontrol kara sa gobyerno agud nga inde eon magpinagusto ro mga maeagkuan ag gahaman nga oil companies nga magpinataas it andang produktong langis bangud sa adlaw-adlaw nga ginapas-an makaron it mga drivers and operators kamana man it mga commuters ro nagalala nga epekto kara kapin eon sa mga nagapangunang serbisyo ag baeak-eon.
Raya ro gin-insister it grupong Pagkakaisa ng mga Samahan ng Tsuper at Operator Nationwide (PISTON) sa andang madinaeag-on nga daywang adlaw nga untat-byahe ko Marso 26 hasta it 27, 2026 kon sa siin anda sigon nga naparalisa ro pilang ruta sa nagkaeian-eain nga parte it nasyon.
Suno kay PISTON president Mody Floranda, kinahang-ean nga raya ro unahan sa paghueag it gobyerno bangud nga kon magpabilin sa pribadong oil companies ro kontrol hay padayon man ro andang pagpamentaha sa presyo eabi eon makaron nga nagahana eon man ro dugang nga pagtaas sa presyo it langis.
Panawagan gihapon nanda ro madasig nga aksyon it gobyerno ag ro maaeam nga pagdesisyon sa ginapangatubang nga hangkat ag krisis sa nasyon.
Nagapati sanda nga sa oras nga daeayon nga makakas ro fuel excise tax hay magahagan-hagan ro sitwasyon ag magapangita eon sanda it husto bukon it para eamang sa diesel ro andang ginakayod sa adlaw-adlaw nga paglagare sa mga nagapangunang karsadahon sa andang tags aka mga lugar.
