-- ADVERTISEMENT --
KALIBO, Aklan–Ginsug-aeaw it oil price hike ro mga motorista makaron nga adlaw it Martes, Enero 3.
Raya hay matapos nga magpatuman ro mga kumpaniya it langis it pagtaas sa presyo it kada litro it produktong petrolyo sa nasyon.
Suno kay Janvic Martinez, staff it Sea Oil Gasoline Station nga pasado alas-6:00 kaina it agahon kat nagpatuman sanda it oil price increase.
Kapin sa P2.10 sigon ro andang ginpatong sa kada litro it diesel samtang P2.90 man sa kada litro it gasolina.
Samtang, antes raya hay nagpatigayun sigon sanda it promo kadungan it pagsug-aeaw it bag-ong dag-on kung siin nagtao sanda it P4 nga diskwento sa kada litro it andang ginabaligya nga petrolyo.
-- ADVERTISEMENT --
