KALIBO, Aklan–Kontrolado eon ro oil spill nga naka-abot sa Caluya, Antique halin sa nag-eugdang nga oil tanker sa Oriental, Mindoro.
Suno kay Kier Domingo, Public Relations Officer II it lokal nga gobyerno it Caluya nga owa eon it napabalita nga pagkalhit it langis sa iba pang parte it coastal areas sa lugar.
Madumduman nga na-monitor ro oil spill sa mga baybayon nga sakop it sitio sabang, brgy. tinogboc, liwagao island , brgy. sibolo, ag sitio tambak sa brgy. semirara sa banwa it caluya.
Sa makaron hay nagapadayon ro pag-bayanihan it mga residente, Philippine coast guard ag iba pang natungdan nga ahensiya it gobyerno agud nga limpyuhan ro nagtagas nga langis kamana man ro pag-obra it improvised nga oil spill boom.
Nagpadaea eon man sigon ro LGU-Caluya it mga drum ag containers nga pagabutangan it nakolektang mga langis.
Adlaw adlaw hay nagapatigayon it assessment ro department of environment and natural resources ukon DENR sa kahalitan sa kaeawran it oil leak ag posibleng makapaguwa it post evaluation report sa masunod nga mga inadlaw.
Base sa record , 10 nga pamilya ro gin-evacuate sa mga apektadong lugar bangud sa mabaho nga hugum.
Ro MT Princess Empress hay eumugdang nga may kargang 800,000 liters it industrial fuel oil samtang naga-eayag sa mahumbak nga kaeawran it Naujan sa oriental Mindoro ko Pebrero 28.
