KALIBO, Aklan — Kadungan sa soft opening it isla it Boracay, gindeklara ro Oktubre 15 bilang “Aklan Day in Boracay”.
Suno kay Governor Florencio Miraflores ginrekomenda raya ni Enviroment Secre-tary Roy Cimatu, chairman it inter-agency task force bilang pagkilaea sa bulig ag suporta it mga stakeholders sa ginpatigayong an-om nga bueang rehabilitasyon.
Pasugtang makasueod sa Boracay sa soft opening ro mga lokal nga turista kapin eon ro mga Aklanon antes raya uman nga buksan bago sa mga turista sa Oktubre 26.
Kapin sa 25 hotels ag resorts nga nakaangkon it accreditation halin sa Department of Tourism ro makabaton it bisita.
Sambilog sa mga requirements makaron agud nga maka-operate ro mga establisimento hay ro pag-angkon it kaugalingong sewage treatment plants (STP) agud masigurong nag-agi sa treatment ro mga wastewater antes igapilak sa dagat sa bahin it Sibuyan Sea.
Todo kayod ro ginapatigayon makaron nga clearing operations it mga iligal nga istraktura sa mga wetlands sa isla ag ro widening project sa main road.
