KALIBO, Aklan — Nakipag-bueuligan sa pakikipagtindog para sa mga kababayin-an ro Probinsya it Aklan pinaagi sa Aklan Gender and Development Council.
Sa ginhiwat nga One Billion Rising 2025 nga may temang “Rise for Freedom” kahapon, adlaw it Byernes, Peberero 14, ginpakita it mga lokal nga gobyerno ro andang sinseridad sa pagsuporta ag pagtawag nga punduhon eon ro mga krimen ag pagpang-abuso sa mga kababayin-an.
Ro nasambit nga event hay gintambungan it makaeain-eain nga mga taeatapan kapareho it Altavas Local Council for Women, Department of Labor and Employment ag pati eon man ro lokal nga gobyerno it New Washington.
Nagpatigayon it pag-saot ukon “Strike Dance” ro mga partisipante halin sa Pastrana Park, Poblacion Kalibo paadto it Goding Ramos Park, Estancia Kalibo kun sa siin nag hiwat man it sangka programa.
