BANGA, Aklan—Naging madinaeag-on ag masadya ro ginpatigayon nga opening of lights sa banwa it Banga.
Suno kay punong barangay Julinine Rago it Poblacion, Banga nga nag-enjoy ro tanan nga mga nagtambong kun sa siin sa kauna-unahan nga kahigayunan hay may ginpatigayon nga street dancing ukon sadsad .
Makabig man suno kana nga isolated case ro natabu nga gulo sa tunga it mga pamatan-on nga madasig man nga natapna it mga rumespondeng pulis ag mga tanod .
Ro opisyal nga pagbukas it higanteng Christmas tree ag mga iwag sa palibot it teodosio park hay ginpangunahan it mga opisyal it banwa ag iba pang dinapit nga bisita .
Samtang, pilang mga pumueuyu ro naghambae nga very festive suno kana ro mood it aktibidad bangud sa preparasyon nga ginhimno it LGU-Banga .
Kadungan kara, gin imbitaha nana ro publiko nga magbisita sa andang banwa agud nga makita ro bongga nga mga iwag ag makolor nga Christmas Tree ag iba pang mga Christmas decorations sa nasambit nga lugar.
