KALIBO, Aklan—Naging madinaeag-on ro opening salvo it Ati-Atihan Festival 2024 sa banwa it Ibajay.
Suno kay PCapt. Rajiv Salbino, acting chief of police it Ibajay Municipal Police Station nga naging masinadyahon ro okasyon nga ginakaeakipan it sadsad sa kalye, battle of the band ag maabong iba pa.
Angot kara, may dugang nga pwersa it pulisya nga ginpadaea ro Aklan Police Provincial Office ukon APPO agud nga mamintina ro peace and order kamana man para sa kaeowasan it tanan nga mga nagtambong.
Ginpahayag dugang nga sa bulig it diversion road hay uwa gid masyadong nagbug-at ro daeagan it trapiko partikular sa national highway.
Mag-eowas sa dugang nga pwersa it pulisya hay may mga force multipliers man sandang nakaibahan sa pagbantay ag sa pagmonitor sa festival zone area.
