Kalibo Aklan ——-Padayun ro pagbantay it mga quarantine officer ag Office of the Provincial Veterinarian (OPVET) sa tanan nga mga entry points it probinsiya it Aklan agud nga malikawan nga makasueod ro panibag-ong pandemic it flu virus nga kapareho it 2009 swine flu.
Suno kay Uriel Laspeñas, Municipal Agriculture Officer it LGU-Kalibo nga mahagan-hagan pa makaron bangud nga owa pa nagbalik ro international flights apang todo-bantay sa mga naga-abot nga pork and pork products sakay it mga roro vessels halin sa Luzon ag iba pang lugar nga aktibo ro African Swine Fever (ASF) .
Ginasugid nga ro bag-ong swine flu nga ginatawag nga G4 hay naghalin sa H1-N1 strain virus.
Naga-angkon sigon ro bag-ong virus it senyales nga may ikasarang raya nga magtapon sa mga tawo .
Ginpaabot pa it opisyal sa mga naga-alaga it baboy nga engkaso nga mataeupangdan nga gina-eagnat ukon naga-euya ro andang mga alaga hay insigidang makipag angot sa andang taeatapan.
