Maga-atubang sa finals it WTA 125 Philippine Womens Open sanday Camila Osorio it Colombia ag Donna Vekic it Croatia, adlaw it Sabado, Enero 31, 2026.
Ginpiyerde ni World number 84 nga si Osorio sa semifinals si Solana Sierra sa sueod it 46 minuto sa score nga 6-0, 6-1.
Samtang ro World number 72 nga si Vekic hay ginpiyerde si Tatiana Prozorova it Russia sa semifinals round sa score nga 6-2, 6-4.
Raya eon ro ikaywang pag-atubang sa professional career nanday Osorio ag Vekic nga pagahiwaton sa Rizal Memorial Stadium.
Sa andang unang pag-atubang nga daywa sa Cincinati 2022 qualifiers kun sa siin nagdaog si Vekic sa score nga 7-6(6),6-3.
Madumduman nga ginpiyerde ni Osorio ro pambato it Pilipinas nga si Alex Eala sa quarterfinals nga ginpatigayon ko Enero 29.
