KALIBO, Aklan – – – Uwa it naga-exister nga bulkan sa Panay island.
Raya ro ginpahayag ni Engr. Arlo Sabar it Philippine Institute of Volcanology and Seismology ukon Philvolcs-Aklan sa pakikipag-angot it Bombo Radyo.
Raya ro pagklaro ni Engr. Sabar kasunod it mga espekulasyon nga sangka bulkan ro nag-eupok Sitio Taban, Brgy. Dalagsaan, Libacao.
Suno kay Sabar nga kung pagatan-awon ro mapa it mga bulkan sa bilog nga Pilipinas uwa it makita nga naga-exister sa isla it Panay.
Ginsaysay ni Sabar nga ro volcanic phenomena directly associated with erruption hay may lava flow, dome growth, Pyroclastic flow ag surge, may lateral blast, Tephra fall ag volcanic gas.
Samtang ro sangka volcanic phenomena indirectly associated with erruption sigon hay may lahar, flooding, debris avalanche, landslide, tsunami, seiche, subsidence, fissuring, secondary hydrothermal explosion ag secondary pyroclastic flow.
Raya sigon ro dapat nga mapatud-an nga naga-exister tanan agud nga mahambae nga raya hay sangka bulkan.
May kaangtanan kara, ginpabutyag ni Sabar nga nagakinahang-ean pa it imbestigasyon antes magpaguwa it espekulasyon nga may naga-exister nga bulkan sa lugar.
Sa pihak nga parte, ginpadumdom ni Sabar sa mga naga-istar sa lugar nga maghalin agud nga mangin euwas sa anu man nga insidenteng magtuhaw.
