NATIONAL News — Ginhinyo it Overseas Workers Welfare Administration (OWWA) sa pamilya ag mga amigo it mga overseas Filipino workers (OFW) nga una sa Lebanon nga kumbinsihon sanda nga mag-uli eon sa Pilipinas bangud sa naga-init nga tensyon sa tunga it Hezbollah group ag Israeli forces.
Makaron nga domingo hay naga-abot eon sa haeos 1,000 ro mga Pinoy sa nasambit nga nasyon nga nagpahayag it interes nga maga-uli sa nasyon suno kay Foreign Affairs Undersecretary Eduardo de Vega.
Base sa datos, may una nga kapin sa 11,000 nga Pilipino sa Lebanon kaibahan ro mga undocumented.
Ko Biyernes it gabi-i, nagpaguwa it abiso ro Philippine Embassy sa Lebanon agud nga engganyuhon ro mga Pinoy nga magbakwit eon samtang bukas pa ro airport.
Ro mga indi maka-uli, gin-abisuhan it embahada nga mag-agto sa eowas nga lugar kapareho it Beirut, South Lebanon, ag Bekaa Valley.
Bangud kara, ginbutang it Department of Foreign Affairs sa Alert Level 3 ro sitwasyon sa Lebanon nga nagakahueugan nga ginbuksan eon ro voluntary repatriation.
Suno sa DFA, gin-usisa nanda it mayad ro mga nagakatabu ag idtu nanda nakita nga kinahangean eon nga pataason sa Alert Level 4 ro sitwasyon ukon makaangkon eon it mandatory repatriation.
