Inako it Philippine Statistics Authority (PSA) nga kueang ro haega nga P63.87 sa budget it pagkaon it sangka katawo kada adlaw.
Raya hay suno kay PSA head Claire Dennis Mapa ro rason kun haman anda nga busision it mayad ro methodology para sa pagkalkula sa poverty ag food thresholds sa masunod nga dag-on.
Sa lista it PSA, ro food threshold it sangka pamilya nga may lima nga katawo hay nagtaas eun sa 14.7 percent o una sa P9,581 kada buean ku nagtaliwan nga dag-on o haeos P64 kada sangka tawo sa sang aldaw nga pagkaon apang mas mataas man raya sa P8,353 kada buean ku 2021.
Samtang, pahayag ni Mapa nga ro sangka tawo hay indi makonsidera nga kueang sa pagkaon o food poor kung raya hay may budget nga P63.87 kada adlaw o P21.30 kada meal.
Sa national level, raya hay nagakahueogan sigon nga ro pamahaw hay sangka scrambled egg, kape ag humay samtang ro ilabas hay sangka mangkok nga munggo nga may dahoon it malunggay, pritong dilis, sangka saging ag humay ag sa ihapon hay pritong isda o nieaga nga baboy nga may humay ag sa meryenda hay pandesal.
