Ginkumpirma it Department of Budget and Management (DBM) nga nabuhinan it P9.9 bilyon ro pondo para sa DepEd Computerization Program base sa bersyon it General Appropriations Bill nga eumusot sa Kongreso.
Ginklaro ni DBM Undersecretary Goddes Hope Libiran nga uwa it gahom si Pangueong Ferdinand Marcos Jr. na ibalik o i-realign ro mga pondong nabuhinan matapos maratipikahan it Kongreso ro proposed budget.
Suno kana ro gahom nga madugangan o mabuhinan ro badyet, hasta nga una raya sa sueod it ceiling, hay ana it Kongreso gihapon alinsunod sa Konstitusyon.
Apisar nabuhinan ro pondo sa idaeom it 2025 national budget, ginpunto man ni Libiran nga base sa datos hay una sa 85.14% o ₱7.5 bilyon pa eamang it ₱8.9 bilyong pondo para sa programang ngara ro hagamit it ahensya.
Buot hamabeon una sa 15.54% eamang ro na-disburse it DepEd halin sa nasambit nga haega, nga nagakahueogan nga may una pa nga ₱1.3 bilyon nga uwa pa nagagamit nga pondo.
Ngani bilang solusyon, ginsuhestiyon it DBM nga gamiton anay ro mga undisbursed funds agud suportahan ro programa.
Kun kapuson may nakataeana man sigon nga pondo sa 2025 Unprogrammed Appropriation o mahimo magamit ro Contingent Fund, basta maipakita nga urgent o kinahangean gid himuon ro proyekto.
