HEALTH News– Ro fatty liver hay sangka kondisyon kun sa siin naputos it tambok ro atay.
Kun may fatty liver ka, kaeabanan hay mataas man ro imong kolesterol sa dugo, blood sugar ag uric acid.
Posibleng sobra ka man sa timbang ag mabahoe ro tiyan.
Sa umpisa, owa it sintomas ro fatty liver.
May ibang tawo nga nagasakit ro tuo nga parte it tiyan.
Apang kon mag abot sa liver cirrhosis, grabe eon raya ag makaangkon it pagpaeangdueaw it mata, pagniwang, pagbahoe it tiyan ag pagmanas it siki.
Masayuran nga may fatty liver ro pasyente pinaagi sa ultrasound it atay ukon ultrasound of the whole abdomen.
Kon amat hay naga grabe ro fatty liver ag naga abot sa paghaeok it atay ag liver cirrhosis.
Agud nga maagapan ro fatty liver, sundon ro mga masunod nga advice, punduhon ro pag-inom it aeak ag pagpanigarilyo.
Magpaniwang kon sobra ro timbang.
Maglikaw sa pagkaon it mga matambok ag matam-is.
Magkaon it mga masustansyang pagkaon kapareho it maberdeng tinuea ag isda.
Puwedeng magkaon it prutas apang indi man magpasobra bangud nga raya hay matam-is.
Maghueag-hueag ag mag-ehersisyo.
Kun ikaw hay may diabetes, boengon raya sa bulig it doktor.
Kon mataas ro kolesterol sa dugo, ipanaba pinaagi sa diyeta ag bueong.
Magkaon it yogurt bangud nga ro good bacteria kara hay bueong sa fatty liver.
Indi basta-basta nga mag inom it maskin anong tableta, supplements ukon vitamins.
Ro diyeta, exercise ag pagbueong sa diabetes ag mataas nga kolesterol ro solusyon sa fatty liver.
Alagaan naton ro atong atay.
