HEALTH News — Maabu nga rason ro ubo.
Kon amat raya hay tuga it simpleng sakit.
Apang kon raya hay nagabalik-balik ag nagabuhay eon, basi nga raya hay makataeapon eon nga sakit.
Ro mga ordinaryong rason it ubo hay ro trangkaso, sip-on ag allergy.
Kaeabanan nga raya hay kusang nagamayad it pilang mga inadlaw.
Ro mga nagasigarilyo hay nakakaangkon it sangka ginatawag nga ubo it nagasigarilyo ukon smoker’s cough.
Sa sangka mahigku nga palibot nga maabung tawo nabibilog ro ubo ag plema.
Sa pihak kara, bukon it sa tanan nga kahigayunan nga ro pag ubo hay pagabalewalaon eang.
Sa pilang mga kaso, ro mabuhay nga pag-ubo hay posibleng maging senyales it tuberculosis (TB) ag hapo.
Ro TB sa makaron hay pwedeng mabueong it libre sa inyong mga health centers.
An-um nga buean ro pagbueong agud nga magmayad ag indi makatapon sa bilog nga pamilya.
Para sa mga tawong nagapanigarilyo, eabi eon sa mga nagapanigarilyo it 10 sticks it sigarilyo ukon masobra pa sa sang adlaw, maging alerto sa inyong ubo bangud nga basi nga raya hay kanser eon sa baga
Magpa-chest x-ray.
Agud nga maging eowas, magpundo eon sa nasambit nga bisyo.
Ro kalipay nga nabobo-oe sa pagpanigarilyo hay bukon it importante agud nga ibaylo sa grabeng sakit
