Sigidas makaron ro ginahimo nga training ni dating Senador Manny Pacquiao apisar nga six-round exhibition eamang ro matabo sa hampang nana sa buean it Disyembre sa Seoul, South Korea.
Ro 43-anyos nga boxing legend hay una eon nga nag-anunsiyo it retirement sa boxing ko nagtaliwan nga dag-on matapos nga mapas-eawan sa alima ni Yordenis Ugas it Cuba.
Samtang, uman imaw nga magasaka it ring agud nga atubangon ro kilaeang South Korean martial artist nga si DK Yoo.
Ro pag-engkwentro nanday Pacquiao ag Yoo hay sangka charity event kung siin ro matipon nga kwarta hay para sa mga pamilyang eubos nga naapektuhan it giyera sa Ukraine.
Ginklaro man ni Pacman nga hasta makaron hay nagapabilin ro anang desisyon nga retire eon imaw sa pagboksing ag owa nagabag-o ro anang isip.
