Ginakonsidera it National Security Council (NSC) bilang national security concern ro paeag ni Vice President Sara Duterte sa kabuhi ni Pangueong Ferdinand Marcos Jr. matapos hambaeon it bise presidente nga iga-papatay nana ro presidente.
Ginpahayag ni National Security Adviser (NSA) Eduardo Año nga paga-imbestigahan nanda ro natabo nga pagpamaeag sa kabuhi it Presidente it Pilipinas kon sa siin pagapasabton nanda ro naging pahayag it Bise Presidente.
Nakipag-angot eon ro National Security Council sa mga awtoridad ag intelligence agencies para imbestigahan ro mga nagahimo it krimen kon anong klase it pagpamaeag ag motibo ro gusto kara kontra sa Presidente it Pilipinas.
Gin-engganyo man ni Año ro publiko nga maging kalmado ag ginpasiguro kara nga pagahimuon nana kaibahan it andang ahensya ro tanan para mapabilin nga eowas ro kabuhi ni Pangueong Marcos Jr. kon sa siin igataguyod kara ro Konstitusyon, mga institusyong demokratiko, ag ro chain of command sa tanan nga oras.
Samtang sa pihak nga parte, agud pamatud-an nga uwa it deperensya sa pag-iisip ro bise presidente, haom si Duterte nga magpaidaeom sa maskin anong klase nga test ag ginhangkat man nana ro tanan nga government workers nga magpaidaeom sa drug test.
