Ginpahayag ni Senador Sherwin Gatchalian nga anumang pag-amyenda sa Electric Power Industry Reform Act (EPIRA) hay dapat magresulta sa pagnaba it presyo it kuryente para sa kapakanan it mga konsyumer nga padayong nagatiis sa mataas nga presyo it kuryente.
Raya hay kasunod it panawagan ni Pangueong Ferdinand Marcos sa anang State of the Nation Address (SONA) nga kinahang-ean nga repasuhon ro EPIRA.
Ginasuportahan sigon it Gatchalian ro panawagan it presidente nga amyendahan ro EPIRA agud masolusyunan ro mga isyu angot sa sektor it enerhiya kaibahan eon ro mataas nga presyo.
Suno sa mamalidha, dapat amyendahan ro EPIRA para mataw-an it mas maabong ngipon it Energy Regulatory Commission (ERC) kontra sa mga industry players nga napas-eawan nga magpatuman it andang mandato.
Gin-insister ni Gatchalian nga ro ERC hay dapat makaangkon it bastanteng gahum agud ipatuman ro mandato kara nga protektahan ro interes it mga konsumidor.
