KALIBO, Aklan—Ginpasiguro ni Presidential candidate Ernesto Abella nga engkaso nga magdaog sa maabot nga eleksyon, pagatutukan kara ro pagtapna sa korapsyon ag kapigaduhon.
Ginpahayag kara sa Comelec-KBP PiliPilipinas forum 2022 nga gusto nana nga makaangkon it ginatawag nga “siglo filipino” ukon bag-ong Pilipinas, kun sa siin ro mga tawo hay nagapangabuhi nga makatarungan , malinong ag masadya.
Gindugang pa it dating tagapaghambae ni Pangueong Rodrigo Duterte nga plano kara nga padayunon ro mga naumpisahan nga programa ag proyekte it pangueo.
Ginpahayag dugang nga bukas man imaw nga makatrabaho ro iba pang kandidato sa pagkapangueo nga prayoridad ro kamaeayran it nasyon.
Sa pihak nga parte, ginasuhestiyon pa ni Abella ro pag angkon it national volunteer corps nga bukas sa tanan nga mga naga edad it 18 hasta 35 anyos.
Magaserbi sigon raya nga local peace corps nga magabulig sa pagpabaskog it edukasyon, community building, reforestration, pagbukas it mga bag-ong negosyo nga makatau it maabu nga trabaho ag maabu nga iba pa.
