KALIBO, Aklan– Ginapadahan it pamunuan it Civil Aviation Authority of the Philippines (CAAP)-Aklan ro mga airline companies may kaangtanan sa bird strike kapin eon makaron nga nagahilapit ro summer season, kon siin, maabong migratory birds.
Ginkumpirma ni CAAP-Aklan Manager Engr. Eusebio Monserate Jr. nga haeos sang oras nga nadelay ro pag-eopad it sangka eroplano it Cebu Pacific sa Kalibo International Airport nga paadto it Maynila matapos sunggaban it pispis ukon ginatawag nga bird strike.
Natabo sigon ro bird strike samtang nagapaeopad ukon pa-take-off ro eroplano kabangdanan nga napilitang magbalik sa tarmac agud nga magpatigayon it inspection kon may nasamad nga parte kara.
Ginapahayag nga sa parte it pilot seat tumama ro daywang pispis nga falcon.// nagpamalibad man nga magta-o it komento sa insidente ro management it nasambitang airline company.
Samtang sa pihak nga parte, sangka eroplano it Philippine Airlines F2975 ro nabiktima it bird strike kabie nga tumama sa eawas it eroplano.
