KALIBO, Aklan—Ginakabig nga kadaeag-an it Makabayan Bloc ro pag-eosot sa kongreso it impeachment case ni Vice President Sara Duterte sa boto nga 215 halin sa 318 ka mga mamalidha.
Suno kay Elmer Forro, secretary general it Bayan Panay nga bukon eamang raya it kadaeag-an it Makabayan Bloc kundi ana man it mga pumueoyo agud nga mataw-an it hustisya ro ginwaldas nga mabahoe nga kantidad nga pondo it office of the vice president.
Madumduman nga uwa gid ginpaathag ni bise presidente Duterte kon sa siin ginamit ro confidential fund nga halin sa kaban it bayan.
Sa raya nga pamaagi suno kana hay makabig nga nagahueag ro hustisya sa nasyon kapin eon kon daeayon imaw nga ma-impeach sa senado.
Ginpaathag ni Forro nga base uwa naila ro mga senador nga maumpisahan eagi ro impeachment trial sa senado bangud sa ginaeauman nga makaapekto raya sa nagahilapit nga 2025 midterm election.
Madumduman nga kaibahan sa grounds it impeachment ro conspiracy to assassinate President Ferdinand Marcos Jr., First Lady Liza ag Speaker Romualdez; malversation of P612.5-M confidential funds; bribery and corruption sa DepEd; extra judicial killings; betrayal of public trust ag large scale corruption.
