Bilang sabat sa halit nga gin-aywanan it Bagyong Kristine, gin-anunsyo it Pag-IBIG Fund ro pagtanyag it calamity loan program ag moratorium sa bayad sa Housing Loan agud mabuligan ro mga apektadong miyembro.
Ro mga miyembrong nagaistar ukon nagatrabaho sa mga lugar nga gindeklarang una sa State of Calamity hay pwedeng mag-apply para sa Calamity Loans ag sang buean nga moratorium sa andang bayad sa Housing Loan agud makabulig sa andang kinahang-eanon para sa pagbangon.
Ro Pag-IBIG Calamity Loan hay sambilog sa mga Short-Term Loan programs it ahensya nga nagatuyo nga magtao it bulig ag suporta sa mga miyembrong una sa lugar nga ginpaidaeom sa State of Calamity.
Pwedeng makautang ro kwalipikadong miyembro it hasta sa 80% it andang total Pag-IBIG Regular Savings nga ginakaeakipan it bueanang kontribusyon, kontribusyon it andang employer ag nabuoe nga dibidendo.
May manabang dag-unan nga interes nga 5.95% ro loan nga pwedeng bayaran sa sueod it 24 ukon 36 months ag may palugit nga tatlong buean antes ro unang bayad.
Para mat-a sa mga miyembrong nagakinahang-ean it pinansyal nga bulig apang bukon it kaibahan sa State of Calamity, bukas man ro Pag-IBIG Multi-Purpose Loan agud makabulig sa andang pagbangon halin sa epekto it bagyo.
