KALIBO, Aklan—Nag-umpisa eon ro pag-issue it bag-ong Terminal Identification Pass para sa mga workers nga nagatabok sa Isla it Boracay.
Raya ro nangin pahayag ni Caticlan Jetty Port Special Operation III Jean Pontero matapos magpaguwa it bag-ong sueondanan ro Caticlan Jettyport ku nagtaliwan nga adlaw.
Suno kay Pontero, agud nga mataw-an it ID Pass, mag-submmit eamang it mga requirements kapareho it mga ID ag ibang dokumentong kinahang-ean sa application form.
Dugang pa kara nga magabuhay it tatlo hasta limang adlaw antes nga mabuoe ro ID depende pa kung nacomply ro tanan nga requirements.
Ginklaro kara nga ro mga nakabuoe eon it Terminal ID Card antes nagsarado ro Boracay ku Abril hay pwede pa raya nga gamiton antes nga mag-expire sa December 31, 2018.
Samtang sa mga magabuoe pa eamang ukon bag-ong aplikante makaron nga Oktubre hay pwede nanda raya nga magamit hasta sa December 31, 2019.
Nakipag-angot eon man ro nasambit nga taeatapan sa PESO Malay agud nga ma-beripika kung nakarehistro ro andang gina-trabahuhan para sa mas madasig nga proseso.
Nagabalor man it P100 pesos ro kinahang-ean nga bayaran sa pagbuoe it Terminal Identification Pass nga kaparte sigon it implementing rules sa pagsueod ag pagguwa sa Boracay.
