Ginpamilit ni dating Department of Justice Secretary aG election law expert Alberto Agra nga magiging bentaha sa publiko ro plano it Commission on Elections nga i-post online ro Certificate of Candidacy (COC) it mga kakandidato sa 2025 midterm elections.
Suno kay Agra, maskin posibleng may mga nagabaeabag kara, magiging mabahoe nga bulig ro bag-ong tikang it Comelec agod nga ipakita ro transparency sa election system it nasyon.
Suno kana mahimo nga masayran eagi it publiko kung sin-o ro mga kakandidato sa masunod nga eleksyon. Mahimo sigon nga ro publiko mismo ro magadihon it disqualification case kuntra sa mga kandidato, bangod sa kilaea man nanda ro mga kandidato.
Mag eowas sa posting it mga COC, magiging mabahoe man nga bulig sa masunod nga eleksyon ro bag-ong resolusyon it Comelec nga naga mando sa mga kandidato nga irehistro ro anda nga mga social media account.
Suno kay Agra, parti man man raya it transparency o pagiging maathag it igadihong kampanya sa kada kandidato. Suno sa dating sekretaro, ro mga bag-ong patakaran it Commission on Elections hay nagapakita it kagustuhan kara nga mapamayad ro election system sa n asyon.
Apang bag-o eamang ro mga raya sa nasyon, sigurado sigon nga makabulig ro mga agod nga mas maayos nga maka pili ro mga botante sa pahieangupon nga eleksyon.
