KALIBO, Aklan—Mabahoe nga hangkat ro pag-engganyo sa mga European countries nga mag-agto sa isla it Boracay.
Raya ro ginpahayag it dating consul it Department of Foreign Affairs (DFA) sa Prague ag tubong banwa it Kalibo nga si Jed Dayang.
Si Dayang hay presenteng special assistant to the DFA secretary.
Pila sigon sa mga hangkat nga ginapangatubang it mga turista hay ro mahabang biyahe halin sa Europa paagto sa Boracay, kamana man ro impression nga ro isla hay “crowded” nga lugar.
Nasayuran nga ko Hulyo, sangka international website ro nag-eakip sa Boracay sa top three most crowded destinations sa bilog nga kalibutan.
Nagapanguna sa listahan ro Machu Picchu sa Peru nga ginsundan it Venice sa Italy ag pangatlo ro Boracay.
Suno pa kay Dayang, sikat ro Boracay sa mga Europeans ag nasayuran man nanda ginpaidaeum ro isla sa an-um nga buean nga rehabilitasyon.
Sa pihak kara, nagapabilin sa andang impresyon nga ro isla hay crowded.
Gusto sigon it mga Europeans ro mga lugar nga pwede sandang makapag-relax ag makapag-umwind.
