KALIBO, AKLAN — Kumpirmado nga magasaylu eon it partido si Banga ex-mayor Antonio “Antong” Mameng.
Raya ro anang gin pahayag sa interview kana it Bombo Radyo Kalibo.
Suno kay Mameng nga natigayun eon sanda nga nagkaestorya ni dating Aklan Cong. Teodorico Haresco Jr. sa isla it Boracay ag nakadesisyon eon imaw nga maga uber da bakod sa partido it Tibyog Akean.
Gin klaro man ni Mameng nga owa sanda it may gin awayan ni Cong. Carlito Marquez apang, makabig nga bukon eon imaw it kumportable sa andang grupo bangud sa iba sigon ro gina pakita ag gina hambae kana kun nakatalikod imaw.
Samtang, gin kumpirma man ni Mameng nga owa imaw it plano nga maga pailihir sa matag-as nga position sa madason nga election.
Ginpaabot man it dating alkalde it Banga kay Cong. Marquez nga owa eon it makapabag-o pa sa anang isip bangud sa naka-desisyon eon imaw nga magasaylu it partido.
