Posible sa gihapon nga may matabong pag-bag-o sa liderato it Senado.
Raya ro ginpahayag ni Prof. Danilo Arao it University of the Philippines College of Mass Media and Communication.
Suno kana, raya hay bangud sa mga naga-guwa nga impormasyon angot sa natabo nga barilan sa Senado ku Mayo 13 kun sa siin, nataeupangdan nga nag-pinuril sigon si Senate President Alan Peter Cayetano ukon gin-palala nana ro anang testimonya sa mga hitabo.
Mageuwas kara, ingkaso nga madakpan si Sen. Bato Dela Rosa, may posibilidad man nga ma-charge si Cayetano it “aiding and abetting a fugitive” bangud nga imaw ro nagkontak sa Senador para magboto pabor kana ag nagbulig kana paadto sa Senado.
Dugang pa ni Prof. Arao, mageuwas kay Sen. Bato, posibleng maimbolbar man ro ibang Senador sa istoryang flood control projects, kapareho nanday Sen. Jinggoy Estrada, Chiz Escudero, ag Joel Villanueva, kaya madja mabuhinan pa rom ga opisyal sa nasambit nga taeatapan.
Sambilog sa mga posibleng rason sigon it mga nagakatabo hay ro paaeabuton nga 2028 presidential election kun sa siin gina-isip man it mga Senador ro andang political survival.
Laya kun spekulasyon sigon ro paga-istoryahan, maabong posibleng matabo.
