KALIBO, Aklan—Gina-welcome it Department of Education ukon DepEd- Aklan ro pagbalik sa basic education it asignatura ukon subject nga “good manners and right conduct” ag “values education” matapos nga pumasar raya sa Konggreso ag gin-aprubahan it Palasyo.
Suno kay Schools Division Superintendent Dr. Miguel “Mac” Apusin it DepEd -aklan nga ginahueat eun lang nanda makarun ro Implementing rules and regulations para kara.
Raya hay kasunod man it pagperma ni Pangueong Rodrigo Duterte sa Republic Act 11476 kung sa siin nakabaehag ro uman nga pagturo it manami nga pamatasan ukon GMRC umpisa sa Grade 1 hasta 6 ag “values education” maghalin sa Grade 7 hasta 12.
Magkaiba man nga subject raya para sa junior high school students samtang igahalo man ibang subjects it senior high school.
