KALIBO, Aklan–Bukon it manami nga indikasyon para sa ekonomiya it Amerika ro pagbaskog it dolyar.
Apang, tuyo sigon kara nga ma-kontrol ro inflation sa nasyon.
Raya ro ginpahayag ni Bombo International Correspondent Greg Aguilar it California, USA kasunod it pahayag ni President Joe Biden nga owa raya nagakabaeaka sa pagbaskog it US dollar.
Suno kana, ro posible eamang nga mahimo it Federal Reserves hay pataasan ro interest rates.
Sa raya sigon nga pamaagi hay mapanaba ro demand bangud ro mga konsumidor ag negosyante hay magapundo sa paghueam it kwarta bangud masyadong magastos.
Nauna eon nga ginpahayag it US president nga mas nagakabaeaka imaw angot sa iba pang parte it kalibutan eabi eon ro mga pigado nga nasyon.
Partikular nga naga-antus ro mga nasyon nga naga-import kung siin US dollar ro ginagamit sa pagbayad.
Ginapanan-aw man kara nga maga-abot pa sa masobra P60 ro bayluhan it sangka US dollar sa mga masunod nga adlaw.
