Pagbasura sa appointment ni DAR Sec. Mariano, ginkasubo it mga grupo it mangunguma sa Aklan

KALIBO, Aklan — Eubusan nga ginkasubo it mga grupo it mangunguma sa probinsya it Aklan kasunod ko pagbasura it Commission on Appointment sa kumpirmasyon ni Department of Agrarian Reform (DAR) Sec. Rafael “Paeng” Mariano.

Suno kay Mr. Kim Sin Tugna it Bagong Alyansang Makabayan, si Mariano ro minatuod nga may daeang proyekto nga magapa-angat sa kalidad it agrikultura sa nasyon.

Bangud sa pagbasura sa kumpirmasyon ni Paeng Mariano, nagapakita eamang sigon raya nga uwa naila ro mga nakapungko sa CA it minatuod nga pagbag-o sa kaumwaran it mga pumueoyong Pilipino.

Dugang pa ni Tugna nga ro Pilipinas hay sangka agricultural country kabangdanan nga gustong i-angat ni Mariano ro kalidad it agrikultura.